مەودا میدیا- رێبین ئەشرەف

سەرۆکی یەکێتیی پیاوانی کوردستان رایدەگەیەنێت، لە پێنج مانگی سەرەتای ئەمساڵ 196 حاڵەتی تووندوتیژی لەلایەن ژنانەوە دژی پیاوەکانیان ئەنجامدراوە و رێژەکە لە ئاستێکی بەرزدایە.

بورهان عەلی، سەرۆکی یەکێتیی پیاوانی کوردستان لە لێدوانێکی تایبەتدا بە مەودا میدیای راگەیاند "بەراورد بەساڵی رابردوو تووندوتیژی دژی پیاوان لەلایەن ژنانەوە کەمی نەکردووە و رێژەکە لە ئاستێکی بەرزدایە و لە پێنج مانگی رابردوودا 17 پیاو خۆیان کوشتووە و سێ پیاویش بە هاوکاریی کەسانی دیکە لەلایەن ژنەکانیانەوە کوژراون".

سەرۆکی یەکێتی پیاوان ئاماژەی بەوەشکرد "تووندویژییەکان دژی پیاوان لە ئاستێکی بەرزدایە و بەجۆرێک لە پێنج مانگی سەرەتای ئەمساڵ 196 حاڵەتی تووندوتیژی لەلایەن ژنانەوە دژی پیاوەکانیان ئەنجامدراوە".

پسپۆڕانیش هۆکارەکانی ئەم توندوتیژییە بۆ چەندین هۆکار دەگێڕنەوە لەوانە خیانەتی هاوسەری، تۆڕەکۆمەڵایەتییەکان، خراپی باری دارایی... و چەندین هۆکاری دیکە.

ر. ئ.