مەودا میدیا-

بەڕێوەبەری گشتیی تەندروستیی سلێمانی رایدەگەینێت، هەتائێستا هیچ بڕە دەرمانێک لە بەغداوە لەسەر داوای پەرلەمانتارانی کورد نەگەیشتووەتە سلێمانی.

د. سەباح هەورامی، بەڕێوەبەری گشتیی تەندروستیی سلێمانی رایگەیاند "هەتائێستا یەک حەپی پاراستۆڵ لە بەغداوە لەسەر داواکاری هیچ ئەندام پەرلەمانێک نەگەیشتووەتە دەست ئێمە، ئەگەر لەسەر قسەی ئەوان دەرمانێک نیردرابوو، دەست لەکاردەکێشمەوە".

بەڕیوەبەری گشتیی تەندروستیی سلێمانی دەشڵێت "داوا لەو پەرلەمانتارانە دەكه‌م جارێكی دیكه‌ ده‌رمان نه‌كه‌ن به‌ بابه‌تێكی سیاسی و ئێمه‌ هیچ كه‌سێك له‌ خۆمان به‌ دڵسۆزتر نازانین بۆ سلێمانی".

د. سەباح هەورامی دەشڵێت "سه‌دان كارمان كردووه‌ له‌ڕێگه‌ی په‌یوه‌ندی تایبه‌ته‌وه‌ و نه‌شمان كردووه‌ به‌ منه‌ت به‌ سه‌ر خه‌ڵكه‌وه‌ و ئه‌وه‌ ئه‌ركی ئێمه‌یه‌". 

ر. ئ.