مەودا میدیا- 

بڕیارە لە ئەمشەوە نرخی بەنزین لە شاری سلێمانی بەرزبێتەوە و هەر جۆرێکی بەنزین 25 دیناری دەچێتەسەر، بازرگانانیش دەڵێن "بەنزین کەمبووەتەوە و خواست زۆرە، بۆیە نرخی بەنزین بەرزبووەتەوە".

بەپێی ئەو زانیاریانەی مەودا میدیا لە خاوەنی بەنزینخانەیەک وەریگرتووە، ئەمشەو پێنجشەممە 2ی حوزەیرانی 2022 لە دوای کاتژمێر 12:00ی شەوەوە نرخی هەر لیترێک بەنزین بۆ سەرجەم جۆرەکان 25 دینار بەرزدەبێتەوە".

بەپێی ئەو بەرزبوونەوەیەش بێت، بەنزینی موحسەن دەبێتە 1150دینار, بەنزینی نۆرماڵ دەبێتە 1025 دینار, بەنزینی سوپەر دەبێتە 1250 دینار.

هۆکاری بەرزبوونەوەی نرخی بەنزین دەگەڕێتەوە بۆ دابەشنەکردنی بەنزینی 690 دیناری عیراقی لە شاری سلێمانی، هەروەها بازرگانانیش دەڵێن "بەنزین کەمبووەتەوە و خواست زۆرە، بۆیە نرخی بەنزین بەرزبووەتەوە".

س.ر