مەودا میدیا-

ئەمڕۆ یەکشەممە ئەنجومەنی وەزیرانی هەرێمی کوردستان کۆدەبێتەوە بۆ تاوتوێکردنی چەند پرسێک و لە کۆبوونەوەکەدا راپۆرتێک سەبارەت بە دۆخی کەرتی گەشتوگوزار لە هەرێمی کوردستان دەخرێتەڕوو.

فەرمانگەی میدیا و زانیاریی حکومەتی هەرێمی کوردستان رایگەیاند "پێشنیوه‌ڕۆی ئه‌مڕۆ یەکشه‌ممه رێکەوتی ‌5ی حوزەیرانی 2022  ئه‌نجومه‌نی وه‌زیرانی هه‌رێمی كوردستان به‌ سه‌رۆكایه‌تیی مه‌سرور بارزانی, سه‌رۆكی ئەنجومەنی وەزیران و ئامادەبوونی قوباد تاڵەبانی، جێگری سەرۆک وەزیران كۆبوونه‌وه‌ی ئاسایی خۆی ئه‌نجام ده‌دات".

به‌پێی كارنامه‌ی كۆبوونه‌وه‌كه‌‌ ئەم بابەتانەی خوارەوە دەخرێنەڕوو:

- پوختەی بەشداریکردن لە کۆڕبەندی ئابووریی جیهانیی داڤۆس.

- کۆنووسی کۆتایی تیمی چاودێری دارایی هاوبەشی هەرێمی کوردستان و حکومەتی فیدڕاڵ.

- راپۆرتێک سەبارەت بە دۆخی کەرتی گەشتوگوزار لە هەرێمی کوردستان.

- رەشنووسی پرۆژە یاسای (هەمواری یەکەمی یاسای پاراستن و چاککردنی ژینگە لە هەرێمی کوردستان - عیراق).

س.ر