مەودا میدیا-

وەزارەتی پەروەردەی هەرێم رایدەگەیەنێت، سەرۆکی حکومەت رەزامەندی-دا بە تەرخانکردنی بڕی 20 ملیار دینار بۆ پشتگیریکردنی سێکتەری پەروەردە و فێرکردن بەمەبەستی دابینکردنی پێداویستییە سەرەکییەکانی ناوەندەکانی خوێندنی وەزارەتی پەروەردە.

  

سامان سیوەیلی، وتەبێژی وەزارەتی پەروەردەی حکومەتی هەرێمی کوردستان رایگەیاند "مەسرور بارزانی، سەرۆکی حکومەتی هەرێمی کوردستان رەزامەندی-دا بە تەرخانکردنی بڕی 20 ملیار دینار بۆ پشتگیریکردنی سێکتەری پەروەردە و فێرکردن".

دەشڵێت ئەو بڕە پارەیە "بەمەبەستی دابینکردنی پێداویستییە سەرەکییەکانی ناوەندەکانی خوێندنی وەزارەتی پەروەردە بۆ ساڵی خوێندنی (2022-2023) لە پارێزگاکانی هەولێر، سلێمانی، کەرکوک، دهۆک، هەڵەبجە و ئیدارە سەربەخۆکان خەرجدەکرێت".  

  

ر. ئ.