مەودا میدیا-

ئەمڕۆ سێشەممە 7ی حوزەیرانی 2022 بافڵ جەلال تاڵەبانی، سەرۆکی یەکێتیی نیشتمانیی کوردستان و سەرکردەکانی چوارچێوەی ھەماھەنگی کۆبوونەوە.

لە کۆبوونەوەکەدا دەرباز کۆسرەت رەسوڵ، کارگێڕی مەکتەبی سیاسی و خالید شوانی، ئەندامی مەکتەبی سیاسی  ئامادەبوون بە وردی بیروبۆچوون لەبارەی ئاستەنگەکانی بەردەم پرۆسەی سیاسی لە عیراق و پێکھێنانی حکومەتی نوێی عیراق کرا و کۆبوونەوە ھاوڕابوو کە پەلە بکرێت لە پێکھێنانی حکومەتێکی خزمەتگوزار و نیشتمانی کە رەنگدانەوەی واقیعی سیاسی و خواستی ئەمڕۆی ھاوڵاتییانی عیراق بێت.

ھەر لەکۆبوونەوەکە دووپاتی چارەسەرکردنی کێشەکان لەسەر بنەمای دەستوور کرایەوە و پەنابردن بۆ گفتوگۆ و دیالۆگی بونیادنەرانە بە ھەنگاوێکی ئەرێنی وەسفکرا لەپێناو سەقامگیری سیاسی، ئابووری و ئەمنی لە وڵاتدا.

بافڵ جەلال تاڵەبانی راشیگەیاند "پێشھاتەکان و گۆڕانکارییەکان وادەخوازێت ھەموومان پەرۆشی یەکڕیزی نیشتمانی بین و لە خەمی خەڵک و ئارامی سیاسی ھەنگاوی کرداری بنێین لەپێناو گەیشتن بە چارەسەری نیشتمانی".

س،ر