مەودا میدیا-

سەرۆكی پێشووتری وڵاتی میسر بەهۆی نەخۆشیەوە لە یەكێك لە نەخۆشخانەكانی میسر كۆچی دواییكرد.

ئەمڕۆ سێشەممە 25ی شوبات، حوسنی موبارەكی سەرۆكی پێشووتری وڵاتی میسر بەهۆی نەخۆشیەوە لە میسر كۆچی دواییكرد.

پێش دوو رۆژ عەلا موبارەك، كوڕی حوسینی موبارەك لە تویتێكدا رایگەیاند "دۆخی تەندروستی باوكی ناجێگیرە و لە نەخۆشخانە لەژێر چاودێری پزیشكیدایە".

حوسینی موبارەك ماوەی 30 ساڵ سەرۆكایەتی وڵاتی میسری كرد و دواتر لە خۆپیشاندانەكانی ساڵی 2011 لە دەسەڵات دورخرایەوە.