مەودا میدیا- 

نوێترین ڤیدیۆکلیپی هونەرمەند نەڤید زەردی لەگەڵ ئینسای گۆرانیبێژی ئەلبانی بڵاوبووەوە.

لە لاپەڕەی تایبەتی خۆی لە هەژماری ئینستاگرام نەڤید زەردی ئاشکرایکردووە، کلیپی (کاڵێ) کە لەگەڵ ئینسا وتوویەتی بڵاوبوویەوە، ئەم گۆرانییە لە تێکستی کوردیی و میلۆدی نەڤید زەردییە، تێکستە ئەلبانییەکەی ئینسا دایناوە، لە دەرهێنانی (Besian kukiqi) یە.

لە ماوەی دواتریشدا ڤیدیۆکلیپێکی دیکە بڵاودەکاتەوە کە وەك دەڵێت کارێکی جیاوازە و ستافێکی پڕۆفیشناڵ بەشداربوون لە ئامادەکردنیدا.

نەڤید زەردی گۆرانیبێژی کوردی رۆژھەڵاتی کوردستانە و لە ساڵی2004ـەوە دەستی بە کاری ھونەری کردووە و دوو ئەلبوم و چەند تراکێکی بڵاوکردووەتەوە و خاوەنی کۆمپانیای (NZ Production) بۆ کاری هونەری.

ئیسنای لە ساڵی 1995 لەدایكبووە لە شاری تیرانا لە وڵاتی ئەلبانیا لەدایک بووە و لە ساڵی 2012 ەوە دەستی بە کاری هونەری کردووە لەسەر ستایلی پۆپ گۆرانی دەڵێت، خاوەنی چەندین گۆرانی و ڤیدیۆکلیپە و ناوبانگێکی زۆری لە کوردستان و وڵاتانی رۆژهەڵاتی ناوەڕاستدا هەیە.

https://www.youtube.com/watch?v=nHRljIRcQRM&t=117s

ر. ئ.