مەودا میدیا-

بانکی کەلار لەپێناو کەمکردنەوەی قەرەباڵغی گۆڕانکاری لە شێوازی دابەشکردنی مووچەی  كەسوكاری شەهیدان و ئەنفالكراوان دەكات، ئاماژە بەوەکراوە سبەینێ بە شێوازە نوێیەکە مووچە دابەشدەکرێت.

ئەمڕۆ شەممە 11ی حوزەیرانی 2022 بانکی کەلار لە نووسراوێکدا رایگەیاند "لەبەر بەرژەوەندیی گشتی و بەڕێكردنی مووچەخۆرانی كەسوكاری شەهیدان و ئەنفالكراوان بەشێوەیەكی ڕێك و باشتر و كەمكردنەوەی قەرەباڵغی، دابەشكردنی مووچەكانیان بە شێوەی ژمارەی ناسنامەكانیان ریزبەندی (وەجەبات) دەبێت".

ئاماژە بەوەکراوە "گۆڕانكارییەكە لە رۆژی یەكشەممە 12ی حوزەیرانی 2022 دەستپێدەكات، هەروەها لە خشتەیەكدا وەجبەكانی دابەشكردنی مووچەیان بڵاو كردووەتەوە".

س.ر