مەودا میدیا-

وەزارەتی بازرگانی و پیشەسازی حكومه‌تی هه‌رێمی كوردستان رایگه‌یاند، ئاگادارى هاوڵاتییان دەکەنەوە کە هەڵدەستن بە دامەزراندنى 49 فەرمانبەر بە شێوەی گرێبەست بۆ ئەم پسپۆریانەى کە لە خوارەوە دیاریکراوە لەو فەرمانگانەی بەرانبەریان دیاریکراوە.

یه‌كه‌م: بۆ دەرچوانی کۆمپیوتەر، ئای تی، زمانی ئینگلیزی، ئامار، کارگێری، ژمێریاری و یاسایی کلیک لەسەر ئەم لینکە بکەن، بۆ پڕکردنەوەی فۆڕمی ئەلیکترۆنی وەیان لینکەکە کۆپی بکە و لە گوگڵ دابنێ لە رێکەوتى 12-6-2022 تاکو کۆتایى دەوامى فەرمى رۆژى 19-6-2022.

دووه‌م: بۆ فەرمانبەری خزمەتگوزاری پاککەرەوە- بەردەست- شوفێری تکایە کلیک لەسەر ئەم لینکە بکەن، لە رێکەوتى 12-6-2022 تاکو کۆتایى دەوامى فەرمى رۆژى 19-6-2022.

سێیه‌م: لەکاتی هەبوونی هەر گیروگرفتێک لە پڕکردنەوەی فۆڕمەکان لە لینکەکانی سەرەوە تکایە پەیوەندی بە ژمارەی تەلەفۆنی 07507058572 بکەن لەڕێگەی راستەوخۆ یان واتسئەپ و  ڤایبەر وە یان ئیمەیلیک بنێرن بۆ [email protected]  کێشەکە چارەسەر دەکەین.

چواره‌م: ئەگەر بڕوانامە لە دەرەوەی هەرێمی کوردستان بەدەست هێنرابێت پێویستە یەکسانکردنی بڕوانامەی بۆکرابێت لە وەزارەتی خوێندنی باڵاو توێژینەوەی زانستی.

پێنجه‌م: هەر هاوڵاتییەک مافی هەیە یەک جار فۆرمەکانی سەرەوە پڕبکاتەوە، ئەوەی زیاتر لەیەک فۆرم پڕبکاتەوە مافی دەفەوتێ.

شه‌شه‌م: لەکاتی دەرچونی ناوەکان بۆ دامەزراندن بەپێی خاڵ، لیژنەیەکی پسپۆر چاوپێکەوتن لەگەڵ داواکار دەکات بۆ هەڵسەنگاندن و زانینی ئاستی شارەزایی و توانای فەرمابەر و لێژنە بڕیار لەسەر دامەزراندنی دەدات.

حه‌وته‌م: فەرمانبەر دادەمەزرێت لە یەکێک لەم فەرمانگانەی خوارەوە بەپێی شوێنی جوگرافی:

-  بەرێوەبەرایەتی گشتی تۆمارکردنی کۆمپانیاکان
-  بەرێوەبەرایەتی کۆمپانیاکانی هەولێر
-  بەرێوەبەرایەتی کۆمپانیاکانی سلێمانی
-  بەرێوەبەرایەتی کۆمپانیاکانی دهۆک

ر. ئ.