مەودا میدیا-

مەسعود بارزانی لە تویتێکدا لەبارەی بڕیارەکەی سەدرەوە دەڵێت "رێز لە بڕیارەکەی سەماحەتی موقتەدا سەدر دەگرین و چاودێری بەروپێشچوونەکان دەکەین".

مەسعود بارزانی، سەرۆکی پارتی دیموکراتی کوردستان لە یەکەم کاردانەوەیدا لەدوای بڕیاەکەی موقتەدا سەدر، رێبەری رەوتی سەدر لە تویتێکدا لە تۆڕی کۆمەڵایەتیی تویتەر رایگەیاند "رێز لە بڕیارەکەی سەماحەتی موقتەدا سەدر دەگرین و چاودێری بەرەوپێشچوونەکانی داهاتوو دەکەین".

شه‌وی رابردوو موقتەدا سەدر، رێبەری رەوتی سەدر لە راگەیەندراوێکدا داوای له‌ په‌رله‌مانتارانی ره‌وته‌كه‌ی كرد كه‌ نامه‌ی ده‌ست له‌كاركێشانه‌وه‌ له‌ ئه‌ندامێتی په‌رله‌مانی عیراق پێشكه‌شی محه‌مه‌د حه‌لبوسی، سه‌رۆكی په‌رله‌مان بكه‌ن، دواتریش حه‌لبوسی واژۆی له‌سه‌ر ده‌ست له‌كاركێشانه‌وه‌ی په‌رله‌مانتاران كرد.

موقتەدا سەدر له‌ په‌یامێکدا رایگەیاند "سوپاسی هاوپەیمانەکانمان لە رزگاریی نیشتیمانی دەکەین، بەو سۆزە نیشتمانییەی هەیانبوو، بەو متمانەیەیان بە بڕیارەکانی من، خودا پاداشتیان بداتەوە، هاوکات سوپاسی تایبەتمان بۆ کوڕە ماممان (جەعفەر سەدر) کە کاندیدی سەربەخۆمان بوو بۆ سەرۆکایەتیی وەزیران".

ر. ئ.