مەودا میدیا-

ئەنجومەنی دادوەری هەرێمی کوردستان روونکردنەوەیەکی بڵاوکردەوە لەبارەی رووداوەکەی دوێنێ دادگەی سلێمانی کە لەنێوان پۆلیسی دادگە و کەسوکاری تاریقی بەقاڵ روویدا.

ئەمڕۆ سێشەممە 14ی حوزەیرانی 2022 ئه‌نجومه‌نی دادوه‌ری هه‌رێمی كوردستان رایگەیاند "له‌ رۆژی 13/6/2022 له‌ناو دادگەی سلێمانی رووداوێكی هێرشكردنه‌ سه‌ر چه‌ند ئافره‌تێك له‌لایه‌ن هێزه‌ ئه‌منیه‌كان روویدا، وێڕای ده‌ربڕینی نیگه‌رانی خۆمان سه‌باره‌ت به‌و رووداوه‌ ناخۆش و نه‌خوازراوه‌، بڕیارماندا به‌ پێكهێنانی لێژنه‌یه‌ك بۆ لێكۆڵینه‌وه‌ له‌ چۆنیه‌تی دروستبوونی رووداوه‌كه‌ و ده‌ركه‌وتنی راستییه‌كان".

ئەنجومەنی دادوەری هەرێمی کوردستان ئاماژەی بەوەکردووە "دوای ته‌واوبوونی لێكۆڵینه‌وه‌، ئه‌نجامه‌كان بۆ رای گشتی راده‌گه‌یه‌نین".

س.ر