مەودا میدیا-

 هاتوچۆی سلێمانی، گۆڕانكاری له‌ پێدانی ئه‌و تابلۆ چوار ژماره‌ییانه‌ كرد كه‌ بڕی رسوماته‌كه‌یان دوو ملیۆن دیناره‌ و دەشڵێت "وه‌رگرتنی كۆد بۆ هاوڵاتییان له‌ 210 كۆده‌وه‌ بۆ 250 کۆد زیادكراوه‌.

بەڕێوەبەرایەتیی هاتوچۆی پارێزگای سلێمانی له‌ راگه‌یه‌ندراوێكدا ئاماژە بەوەدەکات، كات و ژماره‌ی وه‌رگرتنی كۆدی سه‌ردانیكردن له‌ ماڵپه‌ڕی هاتوچۆی سلێمانی گۆڕانكاری به‌سه‌ردا هات، به‌جۆرێك ئه‌و هاوڵاتییانه‌ی خوازیارن كۆدێك وه‌ربگرن به‌مه‌به‌ستی وه‌رگرتنی ئه‌و تابلۆ چوارژماره‌ییانه‌ی بڕی رسوماته‌كه‌ی دوو ملیۆن دیناره‌ پێویسته‌ ئاگاداری چه‌ند خاڵێك بن.

ده‌قی گۆڕانكاریه‌كان: 

یه‌كه‌م: پڕكردنه‌وه‌ی كۆدی سه‌ردانیكردنی مامه‌ڵه‌ی هاوڵاتییان له‌ كاتژمێر  6:00 گۆڕدرا بۆ كاتژمێر 8:00.
دوه‌م: ژماره‌ی وه‌رگرتنی كۆد بۆ هاوڵاتییان له‌ (210) كۆده‌وه‌ زیادكرا بۆ (250) كۆد.
سێیه‌م: پێویسته‌ هاوڵاتییان ئاگاداری ئه‌وه‌ بن كاتێك كۆدی سه‌ردانیكردنیان وه‌رگرت له‌ ماڵپه‌ڕه‌كه‌، له‌لای خۆیان بیپارێزن و له‌ به‌رواری سه‌ردانیكردن چاپی بكه‌ن و له‌گه‌ڵ داواكارییه‌كه‌ی بیده‌نه‌ ده‌ستی لیژنه‌ی تایبه‌تمه‌ند، وه‌ دواكات بۆ گه‌ڕاندنه‌وه‌ی مامه‌ڵه‌كانیان كاتژمێر (12:00) ی نیوه‌ڕۆ ده‌بێت.

ر. ئ.