مەودا میدیا- 

بەرێوەبەری گشتیی بازرگانیی هەرێم رایگەیاند، بڕی 23 ملیار و 350 ملیۆن دیناری دیکەی شایستەی دارایی جوتیاران خراوەتەسەر هەژماری وەزارەتی بازرگانیی هەرێم و بەسەر پارێزگاکاندا دابەشدەکرێت.

لە راگەیەندراوێکدا نەوزاد شێخ کامیل بەرێوەبەری گشتیی بازرگانیی هەرێم ئاماژەی بەوەکرد " بڕی 23 ملیار و 350 ملیۆن دیناری دیکەی شایستە داراییەکانی جوتیاران خرایە سەر هەژماری وەزارەتی بازرگانی و پیشەسازیی هەرێمی کوردستان و بەسەر پارێزگاکاندا دابەشکراوە".

ئاماژەی بەوەشکردووە "پشکی پارێزگای سلێمانی نۆ ملیار دیناروە، پارێزگای هەولێر حەوت ملیار و 750 ملیۆن دیناروە و پارێزگای دهۆکیش شەش ملیار و 600 ملیۆن دینارe".

بەرێوەبەری گشتیی بازرگانی ئەوەشی خستووەتەڕوو "بڕیارە دوای تەواوبوونی رێکارە کارگێڕی و داراییەکان بەسەر جوتیاران دابەشبکرێت".

ر. ئ.