مەودا میدیا-

بەرێوبەرایەتیی نەوت و کانزاکانی سلێمانی رایگەیاند، دڵنیایی دەدەینە هاوڵاتییان بەنزینی 800 دیناری لە دەرەوە و ناوشاری سلێمانی دابەشدەکرێت، جا لە کاتی شەودابێت یان رۆژ.

لە روونکردنەوەیەکدا بەرێوبەرایەتیی نەوت و کانزاکانی سلێمانی رایدەگەیەنێت "وەک لە پۆستی پێشوماندا رامانگەیاند ئەمڕۆ هەینی بەنزینی نورماڵ بەنرخی 800 دینار لە ناوشاری سلێمانی و دەرەوەی شار لەو ویستگانەی کە دیاریکراوە بەردەست دەبێت  و رۆژانەش بەردەوام دەبێت".

ئاماژەی بەوەشکردووە "دڵنیایی دەدەینە هاوڵاتییان کە هەرپۆستێک لەم پەیجەوە بکرێت ئێمە بەرپرسین لەراستی و دروستی ناوەڕۆکەکەی، رەنگە رۆژانە دابەشکردن دوابکەوێت، بەڵام دابەشدەکرێت ئەگەر لە شەویشدابێت ئەوەش بەهۆکاری درەنگ بارکردن و درەنگ گەیشتنی بەویستگەکان کەبەدەرە لە دەسەڵاتی ئێمە و ئەو کۆمپانایەی کە بەم کارە هەڵدەسێت بەهۆی میکانزمی داگرتن و بارکرنەوە".

لە کۆتایی روونکردنەوەکەدا بەرێوبەرایەتیی نەوت و کانزاکانی سلێمانی دەشڵێت "بەو هیوایەی بتوانین چارەسەرەی  ئەم گرفتەش بکەین لەزوترین کاتدا".

ر .ئ.