مەودا میدیا-

د. سامان بەرزنجی، وەزیری تەندروستیی حکومەتی هەرێم کوردستان بۆ چاودێریکردنی رەوشی بڵابوونەوەی پەتای سکچون، رشانەوە و کۆلێرا گەیشتە شاری سلێمانی.

بەمەبەستی بەدوداچوونی رێکارەکانی چارەسەری نەخۆشانی سکچوونی توند و کۆلێرا و گرتنەبەری رێکارەکانی کۆنتڕۆڵکردن و رێگەگرتن لە تەشەنەکردنی نەخۆشی کۆلێرا و بڕی زیاتر لە 10 تەن پێداویستی پزیشکی گەیاندرایە شاری سلێمانی.

هاوکات وەزارەتی تەندروستیی حکومەتی ھەرێمی کوردستان چەند رێکارێ بۆ رووبەڕووبوونەوەی پەتای سکچون، رشانەوە و کۆلێرا دەگرێتەبەر و داوای پێکھێنانی لیژنەی باڵا دەکات لە پارێزگا و ئیدارە سەربەخۆکان بۆ کۆنتڕۆڵکردنی رەوشەکە و جێبەجێکردنی رێنماییەکانی وەزارەتی تەندروستی.

بە مەبەستی رێگریکردنی لە پەتای سکچون، رشانە و کۆلێرا وەزارەتی تەندروستی ھەرێمی کوردستان دوو نووسراو ئاڕستەی پارێزگا و ئیدارە سەربەخۆکان و وەزارەتی شارەوانی و گەشتوگوزار کرد.

ر. ئ.