مەودا میدیا-

بەڕێوەبەرایەتیی پۆلیسی پارێزگای هەولێر بڕیاردا سەردانیکردنی راگیراوان لە بەشی پۆلیسی گرتن و گواستنەوەی هەولێر بۆ ماوەیەکی کاتی رابگیرێت.

ئەمڕۆ سێشەممە 21ی حوزەیرانی 2022 بەڕێوەبەرایەتی پۆلیسی پارێزگای هەولێر رایگەیاند "بەڕێوەبەرایەتیی پۆلیسی پارێزگای هەولێر  بەهۆی بڵاوبوونەوەی پەتای (کۆلێرا) سەردانیکردنی راگیراوان لە بەشی پۆلیسی گرتن و گواستنەوە بۆ ماوەیەکی کاتی راگرت".

پۆلیسی هەولێر ئەوەشی خستەڕوو "بڕیارەکە لەپێناو پاراستنی گیانی سەردانیکەران و راگیراوانە لە پەتای کۆلێرا".

س.ر