مەودا میدیا-

 حەج و عومرەى کوردستان رایگەیاند، ئەو حاجیانەی هەرێمی کوردستان کە سەردانی شاری مەککەیان کردوە 13 خزمەتگوزارییان بۆ دابین دەکرێت لەوانەش شوێنی مانەوە، سێ ژەم خواردن و شوێنی نان خواردن و دابینکردنی پاسی بەردەوام بەشێوەی 24 کاتژمێری بۆ گواستنەوەی حاجیان بۆ حەرەمی مەکە.

بەڕێوەبەرایەتیی گشتیی حەج و عومرەى کوردستان ئەمڕۆ سێشەممە لە راگەیەنراوێکدا باسی لەوەشکردووە، ئەو حاجیانەی هەرێمی کوردستان کە سەردانی شاری مەکەیان کردووە شوێنی مانەوە لە هۆتێل، دابینکردنی سێ ژەم خواردن و شوێنی نان خواردن و نورێنگەی پزیشکی بۆ پیاوان و ئافرەتان دابینکراوە.

باسی لەوەشکردووە، مزگەوت بۆ پیاوان و ئافرەتان رێکخراوە کە لەلایەن مورشیدی ئایینەوە رۆژانە نوێژی تێدا دەکرێت، هەروەها پاسی هاتوچۆ دابینکراوە کە پاسەکان مۆدێل 2021 و 24 کاتژمێر لە بەردەم ئۆتێلی حاجیان وەستاون بۆ گواستنەوەی حاجیان بۆ حەرەم و گەڕانەوەیان.

ئەو خزمەتگوزاریانەی پێشکەشی حاجیان دەکرێت: 

1- شوێنی حەوانەی حاجیان لە ئۆتێلێکی زۆر باش.

2- دابینکردنی سێ ژەم خواردن و شوێنی نان خواردنی حاجیان کە بەیەکجار شوێنی نزیکەی 800 بۆ 1000 حاجی دەبێت بۆ پیاوان و ئافرەتان بە جیا.

3- نورێنگەی پزیشکی  بۆ پیاوان و ئافرەتان بە جیا و دابینکردنی دەرمانی کوالیتی بەرز بۆ حاجیان.

4- شوێنی چاوەڕوانی بۆ پیاوان و ئافرەتان.

5- رێکخستنی مزگەوت بۆ پیاوان و ئافرەتان کە لەلایەن مورشیدی ئایینەوە رۆژانە نوێژی تێدا دەکرێت.

6- شوێنی جلشۆرین بۆ حاجیان.

7- دابینکردنی ئاوی سارد و چای بە بەردەوامی لە پێشوازی ئۆتێل 24 کاتژمێر بۆ حاجیان.

8- لیژنەی فەتوا کە بەبەردەوامی پێشوازی لە حاجیان دەکات بۆ وەڵامدانەوەی پرسیارە شەرعییەکان.

9- کارگێری حاجیان بە مەبەستی رێکخستنی کاروباری حاجیان.

10- پاسی هاتوچۆ کە پاسەکان مۆدێل 2021 و 24 کاتژمێر لە بەردەم ئۆتێلی حاجیان وەستاون بۆ گواستنەوەی حاجیان بۆ حەرەم و گەڕانەوەیان.

11- مورشیدی ئایینی بۆ رێنمایکردنی حاجیان بەمەبەستی جێبەجێکردنی ئەرکە ئایینەکانیان.

12- دابینکردنی خزمەتگوازی 24 کاتژمێری بۆ ناو ئۆتێلی حاجیان.

13- دابینکردنی دوو ئۆتۆمبیلی فریاگوزاری 24 کاتژمێر لە بەردەم ئۆتێلی حاجیان لە ئەگەری هەبوونی هەر حاڵەتێکی نەخۆشی لەناکاو بە مەبەستی گواستنەوەیان بۆ نەخۆشخانەکانی سعودیە.

ر. ئ.