هەپەگە كوژرانی 10 سەربازی دیكەی توركیای راگەیاند

کوردستانی

هەپەگە كوژرانی 10 سەربازی دیكەی توركیای راگەیاند

مەودا میدیا - سلێمانی | 2022/06/22

مەودا میدیا-

هەپەگە رایدەگەیەنێت، لەماوەی 24 کاتژمێری رابردووی رووبەڕووبوونەوە لەنێوان هێزەکانیان لەگەڵ سەربازانی سوپای تورکیا لە گۆڕه‌پانی به‌رخودانی شاخی هه‌كاری لە چالاكیی گەریلادا 10 سەربازی سوپای توركیا كوژراون.

ئەمڕۆ چوارشەممە ناوەندی راگەیاندنی هێزەکانی پاراستنی گەل (هەپەگە) رایگەیاند، لە چەند چالاكییەكی گەریلادا دژ بە هێزەكانی سوپای توركیا لە شاخی هه‌كاری لە ئاڤاشین 10 سەربازی سوپای تورکیا كوژراون.

ئەوەشی خستووەتەڕوو، لەلایەن هێزەكانی توركیاوە تونێلەكانی شەڕ بە تەقەمەنی و چەكی كیمیایی بۆردومانكراون.

باسی لەوەشکردووە، سوپای تورکیا چەند جارێك بە كاتیۆشا و هێلیكۆپتەر و فڕۆكەی شەڕ هێرش بۆسەر پێگەكانی گەریلا كراون.

ر. ئ.