مەودا میدیا-

وەزارەتی بازرگانی و پیشەسازیی حکومەتی هەرێمی کوردستان رایدەگەیەنێت زیاتر لە 170 هەزار تۆن گەنمیان وەرگرتووە، ئاماژە بەوەشدەکات بەردەوام دەبن لە وەرگرتنی گەنم.

ئەمڕۆ یەکشەممە 26ی حوزەیرانی 2022 وەزارەتی بازرگانی و پیشەسازیی هەرێمی کوردستان رایگەیاند "تاوەکو 25-06-2022 بڕی 170 هەزار و 391 تۆن و 20 کیلۆگرام گەنمی جوتیارانی هەرێمی کوردستان لە سایلۆکانی هەرێمی کوردستان وەرگیراون".

بڕی گەنمی رادەستکراو لەلایەن جوتیارانەوە بەپێی پارێزگاکانی هەرێمی کوردستان بەم شێوەیە بووە:

 

1- پارێزگای سلێمانی: 76 هەزار و 248 تۆن و 340 کیلۆگرام.

2- پارێزگای هەولێر: 54 هەزار و 764 تۆن و 680 کیلۆگرام.

3- پارێزگای دهۆک: 39 هەزار و 378 تۆن.

س.ر