مەودا میدیا-

وەزارەتی ئاوەدانکردنەوە رایدەگەیەنێت، بڕی 187 ملیۆن دینار بۆ نۆژەنکردنەوە و چاککردنی تونێلی دەربەندیخان تەرخان دەکرێت. 

لە راگەیەندراوێکدا وەزارەتی ئاوەدانکردنەوە و نیشتەجێکردن ئاماژەی بەوەکردووە، لەسەر داوای وەزیری ئاوەدانکردنەوە و نیشتەجێکردن، دوای ئاراستەکردنی نووسراو و دەرخستە، وەزارەتی دارایی بە نووسراوی ژمارە (8343) و بە ئیمزای وەزیری دارایی، رەزامەندی بۆ تەرخانکردنی بڕی 187 ملیۆن دینار بۆ پڕۆژەی چاککردن و نۆژەنکردنەوەی تونێلی دەربەندیخان دەربڕی.

باس لەوەشکراوە، لە مانگی نیسانی رابردوو لەمیانی بەسەرکردنەوەی تونێلەکە، وەزیری ئاوەدانکردنەوە لە کۆنگرەیەکی رۆژنامەوانیدا رایگەیاند، وەک پلانی خێرا هەوڵدەدەن بەزوترین کات تونێلەکە نۆژەنبکرێتەوە. 

تونێلی دەربەندیخان پرۆژەیەكی گرنگە بۆ گرێدانی گەرمەسێر بە كوێستانەوە، تاقە هێڵی هاتوچۆشە بۆ سەنتەری پارێزگە لە گەرمیانەوە.

ر. ئ.