مەودا میدیا-

ئەندامێکی ئەنجومەنی نوێنەرانی عیراق رایدەگەیەنێت، لەلایەن ژمارەیک لە ئەندامانی ئەنجومەنی نوێنەرانی عیراقەوە هەوڵێک خراوەتەگەڕ بۆ گێڕانەوەی بەهای دۆلار بۆ نرخەکەی پێشووی.

محاسن دلێمی، ئەندامی فراکسیۆنی سادقون لە ئەنجومەنی نوێنەرانی عیراق ئاشکرای کرد، ژمارەیەک پەرلەمانتاری ناو فراکسیۆنە جیاوازەکانی ئەنجومەنی نوێنەرانی عیراق جەخت دەکەنەوە لەوەی  ھەوڵ دەدەن لەڕێگەی پرۆژەیەکەوە بەھای دۆلار بەرانبەر دیناری عیراق دابەزێنن و بیگەڕێنەوە بۆ نرخەکەی پێشووتری.

ئەوەشی خستووەتەڕوو، بڕیاری بەرزکردنەوەی بەھای دۆلار بەرانبەر دیناری عیراقی بڕیاڕێکی ھەڵە بووە و زیانی زۆری بە ھاوڵاتییانی عیراق گەیاندووە.

ئەوە لەکاتێکدایە لە ماوەی رابردوودا حکومەتی عیراق بەھۆی کورتھێنانی بوجە پەنای بردەبەر بەرزکردنەوەی بەھای دۆلار بەرانبەر دیناری عیراقی.

ر. ئ