مەودا میدیا-

بەڕێوەبەرایەتیی کارەبای سلێمانی نرخی ئەمپێری موەلیدە ئەهلییەکانی بۆ مانگی حوزەیران دیاریکرد کە بەپێی بەرنامەی کارپێکردنی موەلیدەکان دیاریکراوە.

ئەمڕۆ یه‌كشه‌ممه‌‌ 3ی تەموزی 2022 لیژنەی سه‌رپه‌رشتیارى موه‌لیده‌ ئەھلییەکانی سلێمانی بۆ هه‌ژماركردنی نرخی كاره‌بای موەلیدە ئه‌هلییه‌كان كۆبوونه‌وه‌ و به‌پێی نرخى گازۆیل و كاتژمێره‌كانى كاركردن نرخى ئه‌مپێرێك كاره‌باى موه‌لیده‌ى ئه‌هلى بۆ مانگی رابردوو (حوزه‌یران) له‌نێوان (15.500) دینار بۆ (17.500) دینار ده‌بێت، به‌هۆی جیاوازی كارپێكردنی موه‌لیده‌كان‌ له‌ گه‌ڕه‌كێك بۆ گه‌ڕه‌كێكی دیكه‌ نرخه‌كان جیاواز ده‌بێت.

سه‌باره‌ت بە به‌رنامەى كاركردنى موه‌لیده‌ش بۆ ئه‌م مانگه‌ش ته‌موز (24) كاتژمێرده‌بێت و هه‌ركاتێك كاره‌باى نیشتمانى كوژایه‌وه‌، پێویسته‌ كار به‌ موه‌لیده‌كانیان بكه‌ن.

س.ر