کوردستانی
سلێمانی؛ لە رووداوێکی هاتوچۆدا کەسێک گیانی لەدەستدا
مەودا میدیا - سلێمانی |
مەودا میدیا- رێبین ئەشرەف
نیوەڕۆی ئەمڕۆ دووشەممە رووداوێکی هاتوچۆ لە جۆری وەرگەڕان لە سەر دووسایدی نزیک هەواری شار و تونێلی پێشڕەو روویدا و بەهۆیەوە کەسێک گیانی لەدەستدا و دوو کەسی دیکەش برینداربوون.
نیوەڕۆی ئەمڕۆ دووشەممە رووداوێکی هاتوچۆ لە جۆری وەرگەڕان لە سەر دووسایدی نزیک هەواری شار و تونێلی پێشڕەو روویدا و بەهۆیەوە کەسێک گیانی لەدەستدا و دوو کەسی دیکەش برینداربوون.
سامان نادر، بەڕێوەبەری سەنتەری فریاکەوتنی سلێمانی بە مەودا میدیای راگەیاند "لە گەرەکی هەواری شاری سلێمانی بەهۆی وەرگەرانی ئۆتۆمبێلێکی بارهەڵگرەوە کەسێک گیانی لەدەستدا و دوو کەسی دیکەش برینداربوون".
ئاماژەی بەوەشکرد "بریندارەکان باری تەندروستییان ناجێگیرە و بەسەختی برینداربوون و رەوانەی نەخۆشخانەی شار کراون".
رووداوەکانی هاتوچۆ بە یەکێک لە سەرەکیترین رووداوەکانی گیان لەدەستدان لە هەرێمی کوردستان دادەنرێت و شارەزایانی هاتوچۆش هۆکارەکەی بۆ خراپی رێگەوبانەکان و پابەندنەبوونی شۆفێران بە رێنماییەکانی هاتوچۆ دەگەڕێننەوە.
ر. ئ
بیروڕا
