مەودا میدیا- سازگار ئەحمەد

پاشنیوەڕۆی ئەمڕۆ فڕۆکە بێفڕۆکەوانەکانی تورکیا کەمپی ئاوارەکانیان لە قەزای مەخمور بۆردوومانکرد، بەڵام هیچ زیانێکی لێنەکەوتەوە و ئاوارەکان سەلامەتن.

رەشاد گەڵاڵەیی، چاودێری سیاسی لە قەزای مەخمور بە مەودا میدیای راگەیاند "پاشنیوەڕۆی ئەمڕۆ سێشەممە 5ی تەموزی 2022 فڕۆکە بێفڕکەوانەکانی تورکیا کەمپی ئاوارەکانیان لە مەخمور بۆردوومانکردووە، خۆشبەختانە زیانی نەبووە و بۆردوومانەکە کۆتایی هاتووە".

لەبارەی دۆخی ئەمنی مەخمورەوە ئاماژەی بەوەکرد "دێهاتەکان زیاتر مەترسییان لەسەرە دێن بۆ سەنتەری شار بەهۆی هەبوونی داعش و سوپای عیراقی وایکردووە گوندەکان ئارامی تیادا نەبێت".

س.ر