مەودا میدیا-

پۆلیسی سلێمانی رایدەگەیەنێت، مه‌فره‌زه‌كانی‌ بنکەی پۆلیسی کوردسات لە ماڵێکدا لە شاری سلێمانی دەستیانگرت بەسەر چەند پارچە چەکێکدا.

بەڕێوەبەرایەتیی پۆلیسی سلێمانی لە راگەیەندراوەێکدا ئاماژەی بەوەکرد "لەدوای ئەوەی رووداوێکی تەقەکردن لە سنووری بنکەی پۆلیسی کوردسات روویدا و هاوڵاتییەک سکاڵای تۆمارکرد ، مەفرەزەکانی بنکەی پۆلیسی کوردسات لێکۆڵینەوەکانی دەستپێکرد و دادوەر فەرمانیدا بەپشکنینی ماڵێک لە سنوورەکە ، سەرئەنجام تونرا لەناو ماڵێکدا دەستبگیرێت بەسەر چەند پارچە چەکێکدا".

 لەوانە: 
-یەک کڵاشینکۆف.
-دوو تاپڕ.
-یەک روومانە.
-360 فیشەکی کڵاشینکۆف.
-30 فیشەکی دەمانچە.
-24 فیشەکی تاپڕ.
-21 مەخزەنی کڵاشینکۆف.
-یەک مەخزەنی حەفتاوپێنجی.
-دوو شانەی دەمانچە.
-یەک تاقم مەخزەن.
-یەک قەمە.

ئاماژەی بەوەشکردووە، لەئێستادا تەواوی چەکەکان لەلایەن پۆلیسەوە دەستی بەسەردا گیراوە و لێکۆڵینەوە بەردەوامە.

ر. ئ