مەودا میدیا-

لیژنە هاوبەشەکانى قایمقامییەتى سلێمانى رایگەیاند، بەهۆى سەرپێچییەکان و پابەند نەبوونەوە، لەماوەى یەک مانگدا 74 شوێنیان داخستووە و 649 شوێنیش پسوڵەى سەرپێچى بۆکراوە.

بەپێى ئەو داتاو زانیاریانەی کە لە قایمقامییەتی سلێمانی تۆمار کراون، لە مانگی حوزەیرانی ئەمساڵدا، لیژنە هاوبەشەکان هەشت هەزار و 217 سەردانیان بۆ بازار و شوێنە گشتییەکان ئەنجامداوە، لە کۆی ئەو سەردانانەدا 74 شوێن داخراون و 500 شوێن ئاگادار کراونەتەوە کە پابەندی رێنماییەکان بن.

ئاماژە بەوەشکراوە، بە هۆی پابەندنەبوون بە مەرج و رێنماییەکان 649 شوێن پسوڵەی سەرپێچیان بۆکراوە و سزای دارایی دراون.

هەر بەپێى ئامارەکە، ئەو مەوادانەی کە ماوەی بەکارهێنانیان کۆتایی هاتووە و لە کۆگاکان و مارکێتەکاندا لەلایەن لیژنە هاوبەشەکانەوە دەستی بەسەرداگیراوە کە بڕەکەی بە 19.898 کیلۆگرام دیاریکراوە،  پسوڵەی سەرپێچی بۆ 649 شوێن کراوە، پێبژاردنى هەموو ئەو شوێنانەی سەرپێچیان کردووە  بە بڕی 18 ملیۆن و 100 هەزار دینار تۆمارکراوە.

ر. ئ