مەودا میدیا-

بەڕێوەبەرایەتیی پۆلیسی هەولێر هۆکاری تەقەکردن لە ماڵی حاجی مەسیفی، ئەندامی سەرکردایەتیی یەکێتیی نیشتمانیی کوردستان لە هەولێر ئاشکرادەکات و رایدەگەیەنێت هۆکارەکە سیاسیی نییە.

هۆگر عەزیز، وتەبێژی پۆلیسی هەولێر لە کۆنگرەیەکی رۆژنامەوانیدا رایگەیاند "ھۆكاری تەقەكردن لە ماڵی حاجی مەسیفی، ئەندامی سەرکردایەتیی یەکێتی كێشەی كەسییە و سیاسی نییە".

وتەبێژی پۆلیسی هەولێر ئاماژەی بەوەشکرد "سەبارەت بەو رووداوی تەقەکردنە سكاڵا تۆماركراوە و كێشەكە لە دادگەیە و رێکاریی یاسایی بەرانبەر تۆمەتبارانی رووداوەکە گیراوه‌ته‌به‌ر".

رۆژی 11ی تەموزی 2022 لە شاری هەولێر تەقە لە ماڵی حاجی مەسیفی، ئەندامی سەرکردایەتیی یەکێتیی نیشتمانیی کوردستان کرا، لە ئەنجامدا پاسەوانێکی برینداربوو.

س.ر