شەپۆلێکی خۆڵبارین روو لەم ناوچانە دەکات

کوردستانی

شەپۆلێکی خۆڵبارین روو لەم ناوچانە دەکات

مەودا میدیا - سلێمانی | 2022/07/13

مەودا میدیا-

بەگوێرەی پێشبینییەكانی كەشناسیی هەرێم ئەمشەو خۆڵبارین لە چەند ناوچەیەكی هەرێم دەستپێدەكاتەوە و تا سبەینێ بەردەوام دەبێت.

لە راگەیەندراوێکدا بەڕێوەبەرایەتیی گشتیی كەشناسی و بوومەلەرزەزانی هەرێمی کوردستان ئاماژەی بەوەکرد، ئەمشەو پێشبینی خۆڵبارین دەكرێت لە ناوچەكانی باشووری هەرێم.

بەپێی پێشبینییەكانی كەشناسی كاریگەریی خۆڵبارینەكە تا نیوەڕۆی سبەینێ پێنجشەممە بەردەوام دەبێت و بەهۆیەوە مەودای بینین لەو ناوچانە كەمتر دەبێت لە چوار كیلۆمەتر.

پێشتر كەشناسیی هەرێمی كوردستان پێشبینییەكانی بۆ پلەكانی گەرمای چەند رۆژی داهاتوو بڵاوكردەوە و رایگەیاند، لە ئەنجامی هاتنی شەپۆلێکی گەرما، لە سەنتەری شارەکان پلەكانی گەرما بەرزدەبنەوە بۆ نزیک 50 پلەی سیلیزی.

ر. ئ