مەودا میدیا-

پۆلیسی راپەڕین رایگەیاند، تەرمی هاوڵاتییەکی 48 ساڵ گەیەندراوەتە نەخۆشخانە کە بە تەزوی کارەبا گیانی لەدەستداوە.

بەڕێوەبەرایەتیی پۆلیسی راپەڕین رایگەیاند، تەرمی هاوڵاتییەک بەناوی ( م . خ . هـ ) رەگەزی نێر، لەدایکبووی ساڵی 1974، پیشەی کاسب، دانیشتووی قەڵادزێ گەڕەکی ئاشتی گەیەندرایە نەخۆشخانە کە بە تەزوی کارەبا گیانی لەدەستداوە.

ئاماژەی بەوەشکردووە، بە وتەی هاوسەرەکەی لەماڵەوە سەرقاڵی چاککردنی پلاکێک بووە و دواتر دەستی بەر تەزوی کارەبا کەوتووە و دەستبەجێ گیانی لەدەستداوە.

باسی لەوەشکردووە، بەمەبەستی هۆکاری راستەقینەی مردنەکەشی تەرمەکەی بەڕێدەکرێ بۆ سلێمانی، پەڕاوی لێکۆڵینەوەش بۆ رووداوەکە رێکخراوە.

ر. ئ