مەودا میدیا-

بەڕێوەبەرایەتیی هاتوچۆی سلێمانی لە راگەیەندراوێکدا ئاشکرایکرد تونێلی پێشڕەو دادەخرێت بەهۆی کارکردن لە تونێلەکە ماوەی داخستنەکەشی دیاریکراوە.

لە راگەیەندراوەکەدا هاتوچۆی سلێمانی ئاماژەی بەوەکردەووە "رۆژانی شه‌ممه ‌‌و یه‌كشه‌ممه‌ی داهاتوو شه‌ممه‌ له ‌كاتژمێر 8:00ی به‌یانی تاوه‌كو كاتژمێر 2:00ی دوانیوه‌ڕۆ ‌و رۆژی یه‌كشه‌ممه‌ له‌ كاتژمێر 9:00ی به‌یانی تاوه‌كو كاتژمێر 2:00ی دوانیوه‌ڕۆ تونێلی پێشڕه‌و داده‌خرێت".

بەڕێوەبەرایەتیی هاتوچۆی سلێمانی ئەوەشی خستووەتەڕوو "داوا لە شۆفێران دەکەین له‌و كاتانه‌دا هاتوچۆ له‌ڕێگه‌ی سه‌ر چیای ئه‌زمڕه‌وه‌ بكه‌ن، تاوه‌كو كرانه‌وه‌ی تونێله‌كه‌".

س.ر