مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی تۆمەتبارێکی راگەیاند، دەستیش بەسەر چوار ئۆتۆمبێلدا گیرا کە بڕیاری دەست بەسەردا گرتنیان هەبووە لەلایەن دادگەی هەولێرەوە.

بەڕێوەبەرایەتیی پۆلیسی پارێزگای سلێمانی رایگەیاند "دوای ئەوەی لەلایەن دادگەی هەولێرەوە فەرمانی دەستبەسەرداگرتنی چەند ئۆتۆمبێلێک گەیشتە بەڕێوەبەرایەتیی پۆلیسی پارێزگای سلێمانی، پۆلیسی سلێمانی لێكۆڵینەوەكانی دەستپێكرد و لەهەڵمەتێكداو لەلایەن بنكەی پۆلیسی چوارچراوە توانرا ئۆتۆمبێلەكان بدۆزرێنەوەو دەستیبەسەردا بگیرێت".

 ئاماژە بەوەکراوە "هەر لەو هەڵمەتەدا دەستبەسەر ئۆتۆمبێلێكی تردا گیرا كە تابلۆكەی ساختە بووە و خاوەنەكەشی بەناوی ( ب ، ز ، م ) دەستگیركرا و پەڕاوی لێكۆڵینەوەی بۆ كراوەتەوە".

س.ر