مەودا میدیا-

لە حاڵەتێکی دەگمەندا و لە کالیفۆرنیای ویلایەتەیە کگرتووەکانی ئەمەریکا، دوو ورچ دەچنە ماڵێک و کێک دەخۆن، ژنی ماڵەکەش تووشی سەرسوڕمان بووە و بە مۆبایلەکەی دیمەنەکەی تۆمارکردووە.

ئاژانسی هەواڵی ( UPI) لە زاری ئەلیسۆن تایلۆر خاوەن ماڵەکە بڵاویکردووەتەوە، هەستیکردووە لە چێشتخانەکەیاندا دەنگی ژاوەژاو دێت، کاتێک چووە، دەبینێت دوو ورچ لە پەنجەرەی چێشتخانەکەوە هاتوونەتە ژوور و لەسەر مێزەکە کێک دەخۆن.

جگە لەوەش خانمی ئەو ماڵە پشتڕاستیکردەوە، ئەمە یەکەمجار نییە رووبەڕووی رووداوێکی لەو شێوەیە دەبێتەوە، پێشتریش چەند گیاندارێکی جۆراوجۆر هاتوونەتە ماڵەکەی.
 
لەکۆتایدا ئاماژەی بەوەشکرد، ئەو دوو وورچە پێش چوونەدەرەوە دەنگێکی بەرزیان کردووە وەک ئەوەی سوپاسی ماڵەکە بکەن بۆ ئەو میواندارییە.

کلیک لێرە بکە بۆ بینینی ڤیدیۆکە...

ه. ع