مەودا میدیا-

قاسم ئەعرەجى، راوێژکارى ئاسایشى نیشتیمانى عیراق و کاندیدی چوارچێوەی هەماهەنگی شیعەکان رایگەیاند، خۆى بۆ پۆستى سەرۆک وەزیران کاندید ناکات.  

  

 لە بەیاننامەیەکدا قاسم ئەعرەجى ئاماژە بەوەدەکات "ماوەی نۆ مانگە پرۆسەی سیاسی شاهیدی بنبەستێکە کە زیانی بە بەرژەوەندی گەل و نیشتمان گەیاندووە".  

  

قاسم ئەعرەجی سوپاسی لیژنەی چوارچێوەی هەماهەنگی کرد بۆ کاندیدکردنی، لەهەمانکاتدا کشانەوەی خۆی لە کاندیدبوون بۆ پۆستی سەرۆک وەزیرانی عیراق راگەیاند.

 زیاتر لە نۆ مانگە هەڵبژاردنی پێشوەختەی عیراق بەڕێوەچووە، بەڵام بەهۆی ناکۆکی لایەنە سیاسییەکان و ململانێی قوڵی نێوان شیعەکان نەتواندراوە حکومەت پێکبهێندرێت.

ر. ئ