مەودا میدیا-

رێبەری رەوتی سەدر رایگەیاند، گەندەڵی بە گەندەڵییەكی وەكخۆی دژایەتی ناكرێت، چاكسازیی گشتی نایەتەدی بەبێ چاكسازی خود.

موقته‌دا سه‌در، رێبه‌ری ره‌وتی سه‌در له‌ په‌یامێكدا داوای رووبه‌ڕووبوونه‌وه‌ی گه‌نده‌ڵی و به‌خۆداچوونه‌وه‌ و چاكسازی ده‌كات و رایده‌گه‌یه‌نێت، "گه‌نده‌ڵی له‌ هه‌موو عیراقدا بڵاوبووه‌ته‌وه‌، پێویستیشه‌ بانگخوازان سەرنجیان لەسەر گوێڕایەڵی خودا بێت و پەیڕەوی بنه‌ما ئاینیه‌كان و پیاوچاكان بكه‌ن".

سەدر كە بەشی زۆری تویتەكەی تایبەتكردووە رێنوێنی ئایینی بەهۆی نزیكبوونەوەی مانگی موحەڕەم و یادی عاشورا وتیشی، گه‌نده‌ڵی له‌ هه‌موو عیراقدا بڵاوبووه‌ته‌وه‌، پێویسته‌ بانگخوازان سەرنجیان لەسەر گوێڕایەڵی خودا بێت و پەیڕەوی بنه‌ما ئاینیه‌كان بكه‌ن.

تویتەكە هاوكاتە لەگەڵ دەستپێكردنی ئەو خۆپیشاندانەی پاش نیوەڕۆی ئەمڕۆ لە بەغدا لەلایەن لایەنگرانی رەوتی سەدر دەستیپێكرد و تیایدا خۆپیشاندەران هەڵیانكوتایەسەر ناوچەی سەوز و تائێستا بەردەوامە.

ر. ئ