مەودا میدیا- پرژە عەتا

لەم دوایانەدا نرخی زێڕ لە بازاردا بەشێوەیەکی بەرچاو رووی لە  بەرزبوونەوەکرد، سەرۆکی زەڕەنگەرانی سلێمانی هۆکاری بەرزبوونەوەی نرخی زێڕی ئاشکرادەکات.

دلێر تاهیر، سەرۆکی زەڕەنگەرانی سلێمانی لە لێدوانێکیدا بۆ مەودا میدیا رایگەیاند "هۆکاری بەرزبوونەوەی نرخی زێڕ پەیوەندی بە هەڵاوسانی سەر ئەمەریکاوە هەیە کە وای کردووە نرخی زێڕ لە بازاڕەکاندا  بە شێوەیەکی چاوەڕواننەکراو رووی لەبەرزبوونەوە کردووە".

ئاماژەی بەوەکرد "گۆڕانکارییەکانی نرخی زێڕ پەیوەندیدارە بە خواستی خەڵکی لەسەر کانزاکە و ململانێی سیاسییەکانی نێوان وڵاتانی جیهان و ئەو گرژی و ئاڵۆزییەی  لە وڵاتاندا هەیە".

بۆ ئەمڕۆ نرخی زێڕ لە بازاڕەکانی هەرێمی کوردستان بەمشێوەیەیە:

- یەك مسقاڵ زێڕی عەیارە 21 بە 381 هەزارە.

- یەك مسقاڵ زێڕی عەیارە 18 بە 325 هەزارە.

- یەک مسقاڵ زێڕی عەیار 22 به 385 هەزار دینارە.

س.ر