مەودا میدیا-

لە راگەیەندراوی کۆبوونەوەی ئەمڕۆی چوارچێوەى هەماهەنگىدا جەخت لەسەر پەلەکردن لە یەکلاییکردنەوەى کاندیدى سەرۆک کۆمار و پێکهێنانى حکومەتى نوێ و پەکنەخستنى دامەزراوە دەستوورییەکان کراوەتەوە.

  

ئەمڕۆ چوارشەممە چوارچێوەی هەماهەنگی کۆبوونەوە و لە راگەیەندراوی کۆبوونەوەکەدا، جەخت لەسەر بەردەوامى دیالۆگ له‌گه‌ڵ هێزه‌ نیشتمانییه‌كان به‌ مه‌به‌ستی خێراكردنی ته‌واوكردنی شایسته‌ ده‌ستوورییه‌كان، یەکلاییکردنەوەی کاندیدی سەرۆک کۆمار و پێکهێنانی حکومەتێکی خزمەتگوزار.  

  

ئەوەشخراوەتەڕوو، بەشداربووانى کۆبوونەوەکە هه‌ڵوێستی خۆیان نوێ كرده‌وه‌ سه‌باره‌ت به‌ پێویستی رێزگرتن له‌ دامه‌زراوه‌كان، له‌ پێشه‌وه‌یانەوە ده‌سه‌ڵاتی دادوه‌ری و یاسادانانه، هه‌موو جۆره‌ ده‌ستدرێژییه‌كانیان ره‌تكرده‌وه‌ کە رێگربێت له‌ ئه‌نجامدانی ئه‌ركه‌ ده‌ستوورییه‌كانیان.  

  

هاوکات سەرکردەکانی چوارچێوەی هەماهەنگی داوایان لە هێزە سیاسییەکان کرد پێکەوە کاربکەن بۆ پاراستنی دەستکەوتە دیموکراسیەکان و درێژەدان بە دیالۆگی بنیاتنەر بۆ گەیشتن بە چارەسەر بۆ قەیرانی ئێستا و پێکهێنانی حکومەتێک کە توانای تێپەڕاندنی هەبێت لەو ئاستەنگانەی کە رووبەڕووی وڵات دەبێتەوە بەتایبەتی لە بواری وزە، کەمی ئاو و پەسەندنەکردنی بودجەی فیدراڵی.

ر. ئ