مەودا میدیا-

ئەندامێکی ئەنجومەنی نوێنەرانی عیراق رایدەگەیەنێت چوارچێوه‌ی هه‌ماهه‌نگی ده‌ستی به‌ گفتوگۆكان كردووه‌ به‌ ئامانجی گۆڕینى محه‌مه‌د شیاع سودانی کە کاندیدە بۆ پۆستی سەرۆک کۆمار.

موعین كازمی، ئه‌ندامی ئەنجومەنی نوێنەرانی عیراق له‌ فراكسیۆنی هاوپه‌یمانی فه‌تح به‌ میدیا عیراقییه‌كانی راگه‌یاندووە " چوارچێوه‌ی هه‌ماهه‌نگی ده‌ستی به‌ گفتوگۆكان كردووه‌ به‌ ئامانجی گۆڕینى محه‌مه‌د شیاع سودانی، كاندیدی سه‌رۆك وه‌زیرانی عیراق".

ئاماژەی بەوەشکرد "چوارچێوه‌ی هه‌ماهه‌نگی پێداگری ناكات له‌سه‌ر كاندید كردنی هیچ كه‌سێك بۆ پۆستی سه‌رۆك وه‌زیرانی و كه‌سیش هێڵی سوور نییه‌، بۆیە دەکرێت گفتوگۆ بکرێت لەسەر کاندیدی کەسانی دیکە".

لەبارەی هەڵوەشاندنەوەی پەرلەمان و دووبارە ئەنجامدانەوەی هەڵبژاردن ناوبراو وتی "ئەو پرسە پێویستی بە کۆدەنگی سەرجەم لایەنەکان هەیە".

س.ر