مەودا میدیا-

ساڵح محەمەد عیراقی، وەزیری موقتەدا سەدر، رێبەری رەوتی سەدر لە پەیامێکدا حەوت رێنمایی سەبارەت بە خۆپیشاندانەکەی رۆژی شەممەی داهاتوو راگەیاند کە بریتین لە:

1- موقتەدا سەدر دەڵێت "ناوهێنانی من قەدەغەیە لە سروود و وتار و وێنە و لافیتە یان هەر شتێکی دیکە".

2- ئارام .. تا کۆتایی بە هەموو وردەکارییەکانییەوە.

3- داواكارییەكانتان بریتین لە چاكسازی لە سیستمدا بە هەموو وردەكارییەكانییەوە، لە دەسەڵاتی دادوەری و یاسادانان و جێبەجێكردن، هەروەها لێپرسینەوە لە گەندەڵەكان، بە تووندی قەدەغەیە داوای گەڕانەوەی بلۆكی سەدری بۆ پەرلەمان بكرێت.

4- ئاسایش و حەشدی شەعبی ته‌نها برای ئێوه‌ نین، به‌ڵكو له‌ ئێوه‌ن و له‌نێو ئێوه‌ن و بۆ ئێوه‌ن، هێرشکردنە سەریان پێشێلکارییە بۆ سەر سەماحەتی سەدر خۆی.

5- خۆپیشاندانەکە لە گۆڕەپانی تەحریرەوە بەرەو گۆڕەپانی ئاهەنگەکان دەبێت.

6- ده‌زگای دادوه‌ری و مه‌ڵبه‌نده‌كه‌ی هێڵی سووره‌، هه‌رچه‌نده‌ داوای چاكسازیشی بكه‌ین.

7- به‌هۆی ئه‌و ئاماده‌بوونه‌ زۆره‌ی چاوه‌ڕوان ده‌كرێت، تكایه‌ خه‌ڵك بێزار مەکەن.

س.ر