مەودا میدیا-

بانکی رافدەینی عیراق، کارمەندێکی بە مووچەی حەوت ملیۆن دیناری عيراقى دامەزراند.

میدیاکانی عیراق نووسراوێکی فەرمی بانکی رافدەینیان بڵاوکردەوە، کە تێیدا بڕیاردراوە بە دامەزراندنی کارمەندێک وەک یاریدەدەری بەڕێوەبەری گشتیی بانکەکە بە مووچەی حەوت ملیۆن دیناری عیراقی.

هەروەها لە نووسراوەکەی بانکی رافدەیندا، ئاماژە بەوەش دراوە "بە پشت بەست بە بڕیارێکی ئەنجومەنی وەزیران و وەزیری دارایی عیراق، ئەو کارمەندە بە شێوەی گرێبەست لە بانکەکەدا دادەمەزرێنرێت".

هاوکات نووسراوەکە، ئەوەشی ئاشکرا کرد، ئەو کارمەندە پسپۆڕ و شارەزای ئابوورییە.

ر. ئ