مەودا میدیا-

ئاڵۆزییەکانی ئەمڕۆی بەغدا و هەڵپەساردنی کاروبارەکانی ئەنجومەنی باڵای دادوەری کاریگەریی زۆری بەسەر ژیان و گوزەرانی هاوڵاتییان و بەڕێوەبردنی عیراقەوە دەبێت.

لەو بارەیەوە سروە محەمەد رەشید، ئەندامی ئەنجومەنی نوێنەرانی عیراق لە فراکسیۆنی یەکێتی، سەبارەت بە ئاڵۆزییەکانی ئەمڕۆی بەغدا و هەڵپەساردنی کارەکانی ئەنجومەنی باڵای دادوەری، تایبەت بە مەودا میدیای راگەیاند "بە هەڵپەساردنی کاروباری دەسەڵاتی دادوەری و ئەنجومەنی باڵای دادوەری، گەندەڵی و نادادپەرەوەری زیاتر دەبێت".

وتیشی "ئاڵۆزییە سیاسییەکانی ئەمڕۆ چارەنووسی دۆخی سیاسی و ئابووری و خزمەتگوزاری لە عیراقدا نادیار دەکات".

باسی لەوەشکرد "ئێستا باری دارایی عیراق زۆر باشە و پارەیەکی گونجاو دێتە عیراقەوە، بۆیە لەبری دروستکردنی ئەو کێشانە ئێستا کاتی ئەوەیە زیاتر خزمەتی هاوڵاتییان بکرێت، چونکە سەرجەم کاروباری تایبەت بە هاوڵاتییان راگیراوە و پەرلەمان ناتوانێت چاودێری بەسەر کاروباری حکومەتەوە بکات".

ن. ن