مەودا میدیا-

لە عیراق هۆشداری دەدرێت لەبارەی وشکەساڵی شارەزایانی بواری ژینگەش پێیان وایە وشکەساڵی و گۆڕانیی ژینگە کاریگەریی زۆری بەسەر ژیانی گوندنشینانەوە هەیە.

ژمارەیەک چالاکوانی بواری ژینگە لە باشووری عیراق رایانگەیاند "لە چەند رۆژی رابردوودا و بە هۆی وشکەساڵی و وشکبوونی زۆنگاوەکانی باشووری عیراقەوە، سەدان سەر گامێش مرداربوونەتەوە".

باسیان لەوەشکرد "وشکەساڵی و گۆڕانیی ژینگە کاریگەریی زۆری بەسەر ژیانی گوندنشینانەوە هەیە و داهاتی زۆربەی دانیشتووانی ناوچەکانی باشووری عیراق کەوتووەتە مەترسییەوە".

هاوکات ئەوەشیان خستەڕوو "کۆچی هاوڵاتییان و دانیشتووانی ناوچەکانی خوارووی عیراق بەرەو ناوچەکانی دیکە دەستیپێکردووە".

س.ر