مەودا میدیا-

وەزارەتی گواستنەوەی عیراق ئاشکرایکرد بوومەلەرزەیەک بە گوڕی 3.9 پلە لە پارێزگای زیقار روویداوە، وەزارەتەکەش دانیشتووانی ئەو پارێزگایە ئاگاداردەکاتەوە.

لە راگەیەندراوێکدا وەزارەتی گواستنەوەی عیراق رایگەیاند "ئێوارەی ئەمڕۆ شەممە 3ی ئەیلولی 2022 بوومەلەرزەیەک بە گوڕی 3.9 پلە لە پارێزگای زیقار روویداوە".

ئاماژە بەوەشکراوە "بوومەلەرزەکە لە کاتژمێر 5:54 خولەکی ئێوارە لە دووری 29 کیلۆمەتر لە ناحیەی سوق شیوخی پارێزگای زیقار روویداوە و لەلایەن هاوڵاتییانەوە هەستیپێکراوە"، وازەرەتەکە داوا لە هاوڵاتییان دەکات خۆیان بپارێزن و ئاگاداربن.

س.ر