مەودا میدیا-

له‌سه‌ر داوای مسته‌فا كازمی ئه‌مڕۆ حزب و لایه‌نه‌ سیاسییه‌كانی عیراق له‌ به‌غدا كۆده‌بنه‌وه‌ به‌مه‌به‌ستی چاره‌سه‌ركردنی ئه‌و دۆخه‌ سیاسییه‌ی ئێستا عیراق پێیدا تێده‌په‌رێت.

بڕیارە ئەمڕۆ دووشەممە 5ی ئەیلولی2022، کۆبوونەوەی مستەفا کازمی، سەرۆک وەزیرانی عیراق و لایەنە سیاسییەکان بەڕێوەبچێت و گفتوگۆ لەسەر دۆخی عیراق و  هەڵوەشاندنەوەی پەرلەمانی عیراق دەکرێت. 

دوێنێ یه‌كشه‌ممه‌ 4ی ئه‌یلوولی 2022 محەمه‌د حەلبوسی، سەرۆكی ئەنجومەنی نوێنەرانی عیراق ، داوای كرد له‌ دانیشتنی ئه‌مڕۆی دیالۆگی سیاسی نێوان حزب و لایه‌نه‌ سیاسییه‌كانی عیراق وادەیەك بۆ هەڵبژاردنی پێشوەختەی پەرلەمان و هەڵبژاردنی ئەنجومەنی پارێزگاكان  ده‌ستنیشانبكرێت.

عیراق بە دۆخێکی سەختی ململانێی سیاسیدا تێدەپەڕێت و ناکۆکی لایەنەکان زۆرجار پێکدادانی چەکداری لێدەکەوێتەوە، هۆکارەکەشی ئەوەیە نزیکەی 11 مانگە هەڵبژاردنی پێشوەختە لە عیراق ئەنجامدراوە، بەڵام تائێستا نەتوانراوە حکومەت پێکبهێندرێت.

ر. ئ