مەودا میدیا-

بەڕێوەبەرایەتیی گشتیی پۆلیسی کۆمەڵگەی عیراق رایدەگەیەنێت ئامارەکانی خۆکوشتن لە عیراق زیادیانکردووە، ئاماژە بەوەشدەکات لە ئەمساڵدا 420 کەس خۆیان کوشتووە.

ماڵپەڕی هەواڵی شەفەق نیوز بڵاویکردووەتەوە، بەپێی ئامارەکانی بەڕێوەبەرایەتیی گشتیی پۆلیسی کۆمەڵگەی عیراق بێت لە ئەمساڵدا 420 حاڵەتی خۆکوشتن تۆمارکراوە و لە 2021یش 772 کەس خۆیان کوشتووە، هەروەها لە ساڵی 2020 لە عیراق 663 کەس خۆیان کوشتووە.

ئاماژە بەوەشکراوە، حاڵەتەکانی خۆکوشتن لە عیراق روویان لە زیادبوون کردووە بەهۆی هەژاری و بێکاری و تووندوتیژی خێزانی و ئاڵوودەبوونی گەنجان بە مادە هۆشبەرەکان، بۆیە نەهێشتنی ئەو حاڵەتانە پێویستی بە کارکردنی هەمەلایەنە دەبێت بۆ ئەوەی رێگە لە زیادبوونی خۆکوشتن بگیرێت.

س،ر