مەودا میدیا-

وتەبیژی فراکسیۆینی یەکێتی لە ئەنجومەنی نوێنەرانی عیراق رایگەیاند، بڕیارە دوای بەڕێوەچوونی چلەی ئیمام حسێن دانیشتنەکانی ئەنجومەنی نوێنەرانی عیراق دەستپێبکاتەوە.

لە لێدوانێکدا بۆ کوردسات نیوز سۆزان مەنسور، وتەبێژی فراکسیۆنی یەکێتی لە ئەنجومەنی نوێنەرانی عیراق رایگەیاندووە "ھەرچەندە بە فەرمی ھیچ لایەنەکێک ئاگادارنەکراوەتەوە بۆ رۆژی کۆبوونەوەی ئەنجومەنی نوێنەرانی عیراق، بەڵام رەنگە دوای مەراسیمی چلەی ئیمام حسێن دانیشتنەکان دەستپێبکاتەوە".

لای خۆیەوە عالیە نسەیف، ئەندامی ئەنجومەنی نوێنەرانی عیراق هەواڵی دەستپێکردنەوەی دانیشتنەکانی ئەنجومەنی نوێنەرانی لە دوای چلەی ئیمام حسێن بۆ میدیا عیراقییەکان پشتڕاستکردووەتەوە.

ر. ئ