مەودا میدیا-

توشبووانی هاوڵاتیانی ئێران تا دێت روو لە زیادبوونەوە و تا ئێستا نزیكەی هەزار كەس توشی نەخۆشی بوون و لە 24 كاتژمێریشدا نزیكەی 400 كەس توشی ڤایرۆسەكە بوون.

كیانووش جەهانپوور، وتەبێژی وەزارەتی تەندروستی حكومەتی ئێران رایگەیاند "لە ماوەی 24 كاتژمێری رابردوودا لە وڵاتی ئێران لە شارە جیاجیاكان 385 كەس توشی كۆرۆنا بوون و بونەتە هەڵگری ڤایرۆسەكە".

ئاماژەی بەوەشكردووە "كۆی ئەوانەی توشی كۆرۆنا بوون لە وڵاتەكە 978 كەس دەبن و نزیكەی 60 كەسیش بەهۆی كۆرۆناوە گیانیان لە دەستداوە و كەمتر لە 200 كەسیش چاكبوونەتەوە".