مەودا میدیا-

وەزارەتی کار و کاروباری کۆمەڵایەتیی حکومەتی هەرێمی کوردستان لەبارەی دامەزراندنی 30 کەس بۆ هەردوو سەنتەری ئۆتیزم و شیاندنی خاوەن پێداویستی تایبەت لە پارێزگای هەڵەبجە روونکردنەوە دەدات.

لە راگەیەندراوەکەی وەزارەتی کار و کاروباری کۆمەڵایەتیی حکومەتی هەرێمی کوردستان هاتووە، سەبارەت  بە دامەزراندنی 30 کەس بۆ هەردوو سەنتەری ئۆتیزم و شیاندنی خاوەن پێداویستی تایبەت لە پارێزگای هەڵەبجە لە ڕێگای ئۆنلاین و بە خاڵ و بەشێوەیەکی زۆر دادپەرەوەرانە پڕۆسەکە بەڕێوەچوو, بەڵام بەداخەوە ئەمڕۆ زانیاریمان پێگەییشت کە سێ کەس لەوانەی بەپێی خاڵبەندی دامەزراون ناڕاستییان لەگەڵ کردووین و دانیشتوی پارێزگای هەڵەبجە نین لەوەش خراپتر ئەوەیە پشتگیریشیان بۆ کراوە کە دانیشتوی هەڵەبجەن هەر بۆیە لێرەوە رایدەگەیەنین:

1- هەر بەڕێزێک  سکاڵای هەیە لەوەی کە ناوی نەهاتووەتەوە سەردانی دیوانی وەزارەت بکات تا هەموو بەڵگە نامەکانی بخەینەبەردەست.

2- ئەو ناوانەی کە دانیشتوی هەڵەبجە نین رۆژی یەکشەممەی داهاتوو ناوەکانیان لادەبرێت و بەپێی ریزبەندی شوێنەکانیان پڕدەکرێتەوە.

3- ئەو کەس و دامەزراوانەش کە پشتگیری ناڕاستیان کردووە ئەیانخەینە بەردەم لێپرسینەوە.

س.ر