مەودا میدیا-

بەڕێوەبەرایەتی نەهێشتنی تاوان لە پارێزگای دیوانییە دەستگیرکردنی ژنێکی راگەیاند کە تۆمەتبارە بە کوشتنی هاوسەرەکەی بە بلۆک و چەکوش، لەکاتی لێکۆڵینەوەدا دانی ناوە بە تاوانەکەیدا.

ئەمڕۆ سێشەممە 4ی تشرینی یەکەمی 2022 بەڕێوەبەرایەتی نەهێشتنی تاوان لە پارێزگای دیوانییە رایگەیاند "دوای گەیشتنی هەواڵی کوشتنی پیاوێکی 35 ساڵ لە قەزای شامییە پۆلیس دەستیکرد بە لێکۆڵینەوە توانرا تۆمەتبارەکە دەستگیربکرێت کە هاوسەری کوژراوەکەیە".

ئاماژە بەوەکراوە "بەهۆی کێشەی کۆمەڵایەتییەوە ژنەکە پیاوەکەی لەکاتی خەودا بە چەکوش و بلۆک کوشتووە و لەکاتی لێکۆڵینەوەشدا تۆمەتبار دانی بە تاوانەکەیدا ناوە".

س.ر