مەودا میدیا-

گه‌نجێكی ته‌مه‌ن 35 ساڵ له‌ شاری موسڵ له‌كاتی ئاهه‌نگی هاوسه‌رگیرییه‌كه‌ی گوللـه‌یه‌كی به‌ركه‌وت و ده‌ستبه‌جێ گیانی له‌ ده‌ستدا، رووداوەکە به‌هۆی ته‌قه‌ی هه‌ڵه‌ی یه‌كێك له‌ ئاماده‌بووانی ئاهه‌نگه‌كه‌وە بووە.

سه‌رچاوه‌یه‌كی ئه‌منی له‌ پارێزگای موسڵ رایگه‌یاند "ئه‌مڕۆ پێنجشه‌ممه‌ 6 تشرینی یه‌كه‌می 2022 گه‌نجێكی ته‌مه‌ن 35 ساڵ کە لە‌ نه‌ته‌وه‌ی عه‌ره‌بە له‌كاتی ئاهه‌نگی هاوسه‌رگیرییه‌كه‌یدا گولـله‌یه‌كی (وێڵ)ی به‌رده‌كه‌وێت و ده‌ستبه‌جێ گیانله‌ده‌ستده‌دات".

وەک لەسه‌رچاوه‌کەدا هاتووە "ئاماده‌بووانی ئاهه‌نگه‌كه‌ سه‌رقاڵی شادی و هه‌ڵپه‌ركێ بوون، وه‌ك نه‌ریتێكی هۆزه‌ عه‌ره‌بییه‌كان بۆ خۆشی ده‌ربڕین ته‌قه‌یه‌كی زۆر كراوه‌ و به‌هۆی ته‌قه‌ی هه‌ڵه‌ی یه‌كێك له‌ ئاماده‌بووانی ئاهه‌نگه‌كه‌، گوللـه‌یه‌ك به‌ر زاوا ده‌كه‌وێت کە لە تەنیشت بوک دانیشتووە و ئه‌و كاره‌ساته‌ی لێدەکەوێتەوە و زاواکە گیانلەدەستدەدات".

س.ر